Thursday, October 7, 2010

المــــــــــــــــــرار




وبعدين بقى
المرار بقى فى الحلق....لا خطى وزاد بقى ده الحال لكل حال كله تعبان كله مخنوق كله طهقان لا الجعان قادر يعيش ولا الشبعان عايش لا المستور سعيد ولا المفضوح هامه طيب ايه؟؟؟
هنعمل ايه؟
هعمل ايه؟
المرار خطى الحلق وخطى جذور الراس كمان
ياربى
اروح فين واجى منين
ليه الناس بقت كده؟
همه غلابه ولا متوحشين - همه مسلمين - ولا ديه كلمه فى بطاقه؟
الرزيله بقت روشنه وقلت الادب بقت موضه والصياعه بقت هى الحياة
التصنع والكذب همه الاصل والنقاء والصفاء هبل وجنان
انا تعبت حتى الالم دموعه جفت من المى
ياه انا عبيطه للدرجة دية
سبحانك هو الصدق عبط - هيه الامانه هبل - هي الاخلاق بوابة للخداع
ليه معدناش بنصدق القلب كل حاجة بقت فلوس وغش وخلاص
ليه مفيش قلب يضمنا حتى ديننا جمعنا لحظة الفطار لكن كل واحد ماسك الخنجر ورى ظهره للى بياكل معاه
انا مش قادره يارب اتحمل
ليه الناس مبقتش ناس
ليه متخيلين ان الحنان بوابة للشيطان
ليه بنتَهم العفيفة بالرزيلة
وبنرفع القبعه تحية واحترام للصايعه الهزيله
ليه بقت المظاهر اهم من الجواهر
ليه بقت قشرة الجمل اكثر من عيار اربعه وعشرين
بقى الدين موضه حتى العبادة بقت عادة وماتت ياناس
الجوامع مليانه بناس كثير بتصلى وتقول يارب
يا ناس الدين المعامله
مش بس طقيه وجلبية
ولا طرحة وزبيبه
ده احنا فى رمضان فين الى يقولك افطر معاك
ولا جارك يخبط عليك ويقولك اتفضل ولا انت تروح لجارك
كله كلام فك مجالس
فين الاحترام
فين لما الراجل ايام ما كان راجل يغطى العريان
النهاردة لو تارة الستارة يقطعها ويشوف الى ليه
فين الرجولة الله يرحمها
طيب فين الانوثة - فين الحنان فين الرقة والعطف فين حضن الامان
فين الارض الى يقف عليها البنى أدم
الأم هى الارض
كله بقى كلام واغانى للبيع والفلوس بس
حتى كلمة آه استوت من الاوجاع
هو بقى الحنان والطيبة بوابة للإغتصاب
لأ
لأ
لأ
انا طيبه لكن مش بوابة للشيطان
انا اعرف ربنا لكن مش كلام
انا بحب كل الناس لكن مش للرزيله ده رضا للرحمان
طيب وبعدين
ادينى فى الآخر كتبت كلام زى كل الكلام وكل الصرخات وكل العبارات
وبعدين
وبعدين
وبعدين

4 comments:

قوس قزح said...

يا ساجى ما اظنش ان الوقت اللى نزل فيه الرسل على الناس كانوا ملايكة
لكن نزلوا الرسل علشان هيهدوا الناس دى للطريق المستقيم .. يعنى كانت الناس كلها ذنوب و معاصى
كل زمن له عيوبه
بس للاسف زماننا مش هينصلح حاله الا على ايدين اللى عايشين فيه
حتى لو حبة قليلين منا
ممكن مع الوقت نعمل جيل كويس
المهم منفقدش الامل

ان الله مع الصابرين

عاشقه الرومانسيه said...

نفسى اخدك فى حضنى قوى
مااعرفش ليه

Sagy said...

طبعا يا قوس قزح عندك حق ان الزمن هيتصلح على ايد الى عايشين فية ... ولازم الانسان يصبر ويحتسب عند الله ... لأننا عايشين ازمة فكر كبيرة جدا جدا ونحن فى زمن اشد من ازمان كثير وما اسأل الله فيه أن يهون عليكي وعلي وعلى امة المسلمين والبشرية تشتت القيم وانحدار الخلق والخلاق

Sagy said...

ميرسي يا عاشقة الرومانسية يا جميلة
انا عاوزة حضن من حد تانى
هههههههههههه
:P:P:P